"Zirə" komandasının qış hazırlıq planı və rəqibləri müəyyənləşib

“Zirə” futbol komandasının qış təlim-məşq toplanışının proqramı müəyyənləşib. 

"Report"un klubun rəsmi saytına istinadən verdiyi məlumata görə, kollektiv yanvarın 3-də Bakıda bir araya gələcək. Yanvarın 7-dək paytaxtda hazırlıq keçəcək “qartallar” ertəsi gün Türkiyənin Antalya şəhərinə yola düşəcək. “İC Santai” otelində məskunlaşacaq komanda qonşu ölkədə 3 yoxlama oyunu keçirməyi planlaşdırıb. Rəqiblər yanvarın 11-də Türkiyənin “Ümraniyespor”, yanvarın 16-da Rumıniyanın “Sepsi”, yanvarın 21-də isə Serbiyanın “Napredak” klubları olacaq.

Qeyd edək ki, "Zirə" Vətənə yanvarın 22-də dönəcək.