"Zirə" klubunun baş məşqçisi: Yaxşı hazırlaşıb, mərhələni keçən tərəf biz olarıq

Düşünürəm ki, bizi qarşıda iki maraqlı matç gözləyir. İnşallah, bu oyunlara yaxşı hazırlaşıb, mərhələni keçən tərəf biz olarıq.

"Report" "Zirə" klubunun mətbuat xidmətinə istinadən xəbər verir ki, bunu komandanın baş məşqçisi Rəşad Sadıqov UEFA Avropa Liqasının I təsnifat mərhələsinin püşkü barədə danışarkən deyib.

Mütəxəssis “Şerif” (Moldova) klubunun tanış rəqib olduğunu söyləyib: "Avrokuboklarda 3 dəfə “Qarabağ”la qarşılaşıblar. Avropada yetərincə təcrübələri var. Qarşıdakı günlərdə rəqibi daha detallı şəkildə təhlil edəcəyik. Komandamıza güvənirəm".

Qeyd edək ki, Avropa Liqasında I təsnifat mərhələsinin ilk oyunları iyulun 11-də, cavab matçları isə 18-də keçiriləcək.