Xorvatiyalı referi bu mövsüm 2-ci dəfə "Neftçi"nin oyununa təyinat alıb

Bakıda "Neftçi" və Avstriyanın "Rapid" (Vyana) komandası arasında keçiriləcək UEFA Konfrans Liqasının III təsnifat mərhələsinin ilk oyununun baş hakimi olan Dario Bel ilə bağlı maraqlı məqam ortaya çıxıb.

"Report"un məlumatına görə, xorvatiyalı FIFA referisi bu mövsüm ikinci dəfə "ağ-qaralar"ın matçına təyinat alıb. O, paytaxt klubunun Kiprdə "Aris"lə oynadığı II təsnifat mərhələsinin ilk görüşündə (0:2) dördüncü hakim funksiyasını yerinə yetirib.

"Neftçi" - "Rapid" qarşılaşmasında Belə Maryan Tomas və Kristian Novosel köməklik göstərəcək. Dördüncü hakim isə Tixomir Pein olacaq.

Qeyd edək ki, avqustun 4-də "Bakcell Arena"da keçiriləcək oyun saat 21:00-da başalayacaq.