Vinçentso Montella: İlk qoldan sonra əhval-ruhiyyəmiz aşağı düşdü

"İlk qoldan sonra əhval-ruhiyyəmiz aşağı düşdü".

"Report"un məlumatına görə, bunu Türkiyə yığmasının baş məşqçisi Vinçentso Montella Portuqaliyaya 0:3 hesabı ilə uduzduqları Avropa çempionatının qrup mərhələsinin II turunun oyunu barədə danışarkən deyib.

Mütəxəssis toparlanmağa çalışdıqları müddətdə ikinci qolu buraxdıqlarını söyləyib: "İlk 20 dəqiqədə qol vurmağa yaxın idik. Bu səviyyədə rəqiblərə qarşı əlinə düşən fürsəti dəyərləndirməsən, işin çətinləşir. Ümumiyyətlə, pis oyun keçirdiyimizi düşünmürəm. Yolumuz uzundur. Bir-birimizə inanırıq".

Qeyd edək ki, AVRO-2024 iyulun 14-də başa çatacaq.