Uğursuz nəticələrə görə klub rəhbərliyi futbolçuları cərimələyib

Yunanıstanın PAOK klubunun rəhbərliyi futbolçuları komandanın son oyunlardakı uğursuz nəticələrinə görə cərimələyib.

"Report" "Sport 24" portalına istinadən xəbər verir ki, cərimənin məbləği barədə məlumat verilmir.

PAOK Avropa Liqasının Liqa mərhələsinin ilk iki turunda müvafiq olaraq Türkiyənin "Qalatasaray" (1:3) və Rumıniyanın FCSB (0:1) kollektivlərinə uduzub. Yunanıstan çempionatında isə “Aris”ə (0:1) məğlub olub.

Saloniki təmsilçisi altı turdan sonra 13 xalla ölkə çempionatında 3-cü sırada qərarlaşıb.