UEFA prezidenti "Qəbələ"nin oyununu izləyəcək

Bakı. 29 sentyabr. REPORT.AZ/ UEFA prezidenti Aleksandr Çeferin sabah "Bakcell Arena"da olacaq. 

"Report"un AFFA-nın rəsmi saytına istinadən verdiyi məlumata görə, A.Çeferin Avropa Liqasının C qrupunda keçiriləcək "Qəbələ" - "Maynts" (Almaniya) oyununu izləyəcək.

O, AVRO-2020-nin 4 oyununun ev sahibi şəhəri- Bakının loqosunun sentyabrın 30-da keçiriləcək təqdimat mərasimində iştirak etmək üçün paytaxta səfər edəcək.