Bakı. 3 iyun. REPORT.AZ/ Avropa Futbol Federasiyaları Assosiasiyasının (UEFA) bu həftəyə nəzərdə tutulan görüşü təxirə salınıb.
"Report" xəbər verir ki, bunu UEFA-nın prezidenti Mişel Platini bildirib.
"FİFA-nın dünənki bəyanatından, qeyri-müəyyən və gözlənilməz xarakterli araşdırmadan sonra bu həftənin istirahət günlərində Berlində keçirilməsi nəzərdə tutulan iclası təxirə salmaq qərarına gəldim. Hər gün yeni şərait yarandığından, hesab edirəm ki, vəziyyətin aydınlaşması üçün bir müddət gözləmək məqsədəuyğundur", - Mişel Platini deyib.
O, Berlində keçiriləcək UEFA Çempionlar liqasının finalına kökləndiklərini də vurğulayıb.
Qeyd edək ki, UEFA bu həftə FİFA ilə gələcək münasibətlərinə aydınlıq gətirmək üçün toplantı keçirməyi planlaşdırmışdı.