UEFA Millətlər Liqası: Azərbaycan yığması bu gün Estoniya ilə üz-üzə gələcək

Azərbaycan yığması bu gün UEFA Millətlər Liqasında səfərdə Estoniya millisi ilə üz-üzə gələcək.

"Report"un məlumatına görə, C Liqasının 1-ci qrupundakı qarşılaşma Bakı vaxtı ilə saat 20:00-da start götürəcək.

Tallində gerçəkləşəcək matçı İrlandiyadan olan Rob Harvi idarə edəcək. Qrupun saat 22:45-də başlayacaq digər oyununda Slovakiya İsveçi qəbul edəcək.

UEFA Millətlər Liqası
C Liqası, 1-ci qrup
III tur
20:00. Estoniya - Azərbaycan
Baş hakim: Robert Harvi (İrlandiya).
Tallin, "A.Le Koq Arena”.

Qeyd edək ki, iki turdan sonra İsveç və Slovakiya 6 xalla ilk pillələri bölüşürlər. Hər iki matçda uduzan Azərbaycan və Estoniya kollektivləri 3-4-cü yerdə qərarlaşıblar.