Türkiyə millisinin sabiq futbolçusu Ümit Karan həbs olunub

Türkiyə milli komandasının və "Qalatasaray"ın sabiq futbolçusu Ümit Karan həbs olunub. 

"Report"  "CNNturk"ə istinadən xəbər verir ki, o, qadına sataşmaq və cinsi təcavüzə görə 1 il 8 ay müddətinə azadlıqdan məhrum edilib. 

Karan yaşadığı binada işləyən qadına cinsi təcavüzə cəhddə ittiham olunub. Lakin keçmiş hücumçu özünə qarşı bütün iddiaları rədd edib.

2015-ci ildə Karan yaşadığı binadakı xanıma təcavüz etdiyi üçün ittiham olunub, lakin dəlil çatışmazlığına görə bəraət alıb.

Qeyd edək ki, Ümit Karan 2001 - 2009-cu illərdə "Qalatasaray"da çıxış edib. O, 3 dəfə Türkiyə çempionatının qalibi olub. Karan 10 matçda Türkiyə millisinin formasını geyinib.