Türkiyə klubları federasiya prezidentinin istefasını tələb edirlər

Türkiyənin əksər klubları ölkə Futbol Federasiyasının prezidenti Mehmet Büyükekşinin istefa verməsinin tərəfdarıdırlar.

"Report" "TRT Spor"a istinadən xəbər verir ki, onlar Klublar Komitəsinin bu gün gerçəkləşən iclasında fikirlərini irəli sürüblər.

İddiaya görə, 15 klub 62 yaşlı funksionerin vəzifəsini tərk etməsini istəyib.

Qeyd edək ki, Türkiyə Superliqasının XV turunun “Ankaragücü” – “Rizəspor” (1:1) oyunundan sonra paytaxt təmsilçisinin prezidenti Faruk Koca meydana daxil olaraq, baş hakim Halil Umut Meleri yumruqla vurub. Təxirə salınan liqalar dekabrın 19-da bərpa ediləcək.