"Turan Tovuz"un futbolçusu Azərbaycan çempionatında keçirdiyi 200-cü oyununu dəyərləndirib

Futbol

22 yanvar, 2025
08:52

Report.az-ı Google seçilmiş mənbələrinə əlavə edin

Yeniliklərdən dərhal xəbərdar olun!

"Turan Tovuz"un futbolçusu Xəyal Nəcəfov Azərbaycan çempionatında keçirdiyi yubiley - 200-cü oyununu dəyərləndirib.

27 yaşlı yarımmüdafiəçi "Report"a açıqlamasında onun üçün əlamətdar sayılan Misli Premyer Liqasının XIX turunun "Kəpəz"lə görüşündə məğlubiyyətə təəssüfləndiyini bildirib.

"Təəssüf ki, yubiley oyunumda məğlubiyyətlə üzləşdim. Buna görə çox üzgünəm. İnşallah, növbəti görüşlərdə qələbə qazanarıq", - deyə, X.Nəcəfov söyləyib.

Qeyd edək ki, Tovuz şəhər stadionunda baş tutan görüşdə "Turan Tovuz" Gəncə klubuna 2:5 hesabı ilə məğlub olub. Debütü 2014/2015 mövsümündə "Sumqayıt"da gerçəkləşən futbolçu meydana çıxdığı 200 oyunda 6 qol vurub.