"Turan Tovuz" klubu yeni futbolçu transferini gerçəkləşdirib.
Bölgə təmsilçisindən "Report"a verilən məlumata görə, panamalı Roderik Millerlə anlaşılıb.
31 yaşlı müdafiəçi ilə 3 ay + 1 il müddətində rəsmi müqavilə bağlanıb.
Mövsümün sonunda onun çıxışı məşqçilər korpusunu razı salarsa, sözləşmənin növbəti 1 illik hissəsi qüvvəyə minəcək.
Qeyd edək ki, Roderik Miller 31 dəfə Panama millisinin formasını geyinib.