Simeone "Atletiko"nun tarixinə düşdü

İspaniya La Liqasının"Atletik"lə XVIII turdan təxirə salınmış ev oyunu (2:1) "Atletiko"nun baş məşqçisi Dieqo Simeone üçün əlamətdar olub.

"Report" ESPN nəşrinə istinadən xəbər verir ki, o, Madrid təmsilçisinin sükanı arxasında 309-cu qələbəsini qazanıb. Argentinalı mütəxəssis bu göstərici ilə klub tarixində yeni rekord müəyyənləşdirib.

Qeyd edək ki, "Atletiko" 62 xalla turnir cədvəlinə başçılıq edir. Paytaxt təmsilçisi ən yaxın izləyicisi "Barselona"nı 6 xal qabaqlayır.