Salahın "Liverpul"dakı yeni məvacibi bəlli olub

Misir millisinin futbolçusu Məhəmməd Salahın İngiltərə "Liverpul"undakı yeni məvacibi bəlli olub.

"Report" "The Athletic"ə istinadən xəbər verir ki, 30 yaşlı hücumçu yeni müqaviləyə əsasən, həftəlik 350 000 funt sterlinqdən çox maaş alacaq.

Bu məbləğin bonuslarla birlikdə 400 000 funt sterlinqə çatacağı bildirilib.

Qeyd edək ki, Məhəmmər Salah "Liverpul"la 3 illik yeni sözləşməyə imza atıb.