"Sabah"ın futbolçusu koronavirusa yoluxdu

"Sabah" klubunun futbolçusu Amadu Diallo koronavirusa yoluxub.

Paytaxt təmsilçisinin Mətbuat xidmətindən "Report"a verilən məlumatına görə, 25 yaşlı hücumçunun testi müsbət nəticələnib.

Hazırda özünü yaxşı hiss edən fransalı oyunçu təcrid olunub. Diallodan başqa komandanın digər üzvlərinin testi mənfi çıxıb.

Qeyd edək ki, "Sabah" bu gün Premyer Liqanın XXII turunda "Səbail"i qəbul edəcək. Qarşılaşma saat 18:00-da başlayacaq.