Ronaldunun malikanəsindəki bəzi tikililər söküləcək

İngilttərənin "Mançester Yunayted" klubunun futbolçusu Kriştianu Ronaldunun Portuqaliyadakı malikanəsində icazəsiz tennis kortu və əlavə binalar tikdirdiyi iddia olunur.

"Report"un "Marca"ya istinadən məlumatına görə, bu barədə Terraş-di-Boru meri Manuel Tibo açıqlama verib.

Mer bildirib ki, 36 yaşlı hücumçu onlara layihə təqdim edib, lakin icazə verilənlərdən əlavə obyektlər inşa olunub.

Ronaldu 2,7 milyon avro dəyərində qiymətləndirilən malikanəsində razılaşdırılmamış tikililəri sökməli olacaq.