“Real Madrid” məğlubiyyətsizlik seriyasını 11-ə çatdırdı

İspaniya La Liqasında XXIX turun növbəti oyunu keçirilib.

“Report” xəbər verir ki, “Real Madrid” “Eybar”ı qəbul edib. Görüş meydan sahiblərinin qələbəsi ilə yekunlaşıb - 2:0.

Qolları Marko Assensio 41-ci və Kərim Benzema 73-cü dəqiqədə vurub. Nəticədə “Real Madrid” məğlubiyyətsizlik seriyasını 11-ə çatdırıb.

Bu qələbə sayəsində “Real Madrid” 63 xal toplayaraq turnir cədvəlində ikinci pilləyə yüksəlib. “Eybar” isə 23 xalla 19-cu yerdə qərarlaşıb.