“Real Madrid” Cud Bellingemin transferini açıqlayıb

İspaniyanın “Real Madrid” klubu Cud Bellingemin transferini açıqlayıb.

“Report” “kral klubu”nun rəsmi saytına istinadən xəbər verir ki, Almaniya təmsilçisi “Borussiya”dan (Dortmund) alınan 19 yaşlı yarımmüdafiəçi yeni komandası ilə münasibətləri rəsmiləşdirib.

İngiltərə millisinin üzvü madridlilərlə 6 illik müqaviləyə qol çəkib. Bu keçid Dortmund klubuna 103 milyon avro qazandırıb.

Qeyd edək ki, Cud Bellingem “Borussiya”ya 2020-ci ildə İngiltərə klubu “Birmingem”dən 25 milyon avroya keçmişdi.