"Real"ın futbolçusu Fransa millisinin heyətindən çıxarılıb

İspaniyanın "Real" (Madrid) klubunun futbolçusu Orelen Tçuameni zədələndiyi üçün Fransa millisinin heyətindən çıxarılıb.

"Report" xəbər verir ki, 24 yaşlı yarımmüdafiəçi Millətlər Liqasında yığmasının İtaliya və Belçikaya qarşı keçirəcəyi matçlarda iştirak edə bilməyəcək.

Onun əvəzinə milli komandaya İtaliya təmsilçisi "Latsio”dan Matteo Quenduzi cəlb olunub.

Qeyd edək ki, Tçuameni cari mövsüm "Kral klubu"nun heyətində 5 oyun keçirib.