“Real” daha bir futbolçusu ilə müqaviləni yeniləyib

İspaniyanın “Real” klubu daha bir futbolçusu ilə yeni müqavilə bağlayıb.

“Report”un klubun rəsmi saytına istinadən məlumatına görə, yarımmüdafiəçi Eduardo Kamavinqa sözləşməsinin müddətini uzadıb.

Fransa millisinin üzvü anlaşmasını 2029-cu ilin yayına qədər artırıb. Kamavinqa 2021-ci ildən “Real”da çıxış edir. 20 yaşlı orta sahə oyunçusu həmin vaxtdan bəri 114 oyun keçirib.

Qeyd edək ki, “Real” bir neçə gün əvvəl braziliyalı hücumçuları Vinisius Junior və Rodriqo ilə müqavilənin müddətini uzadıb.