"Real" Çempionlar Liqasının qalibi olub - VİDEO

Bakı. 29 may. REPORT.AZ/ İspaniyanın Madrid şəhərini təmsil edən "Real" və "Atletiko" klubları arasında Milanın məşhur "San-Siro" stadionunda keçirilən Çempionlar Liqasının final matçı başa çatıb.

"Report" xəbər verir ki, oyunun əsas hissəsi 1:1 hesabı ilə başa çatdığından final matçının vaxtı 30 dəqiqə artırılıb. Lakin komandalar əlavə vaxtda da fərqlənə bilməyiblər. 

120 dəqiqəlik oyundan sonrakı penaltilər seriyasında daha dəqiq olan "Real" rəqibinə 5:3 hesabı ilə qalib gələrək 11-ci dəfə Avropanın ən güclü klubu olub. 

Qeyd edək ki, final görüşünü ingiltərəli Mark Klattenberq idarə edib. "Atletiko" isə tarixi ərzində UEFA Çempionlar Liqasında üçüncü final oyunundan da məğlub ayrılıb.