Ramil Şeydayev "Dinamo" ilə problemini həll etdi

Rusiya Futbol İttifaqı (RFS) Mübahisələrin Həlli Palatası qış fasiləsində Moskva "Dinamo"sundan ayrılan "Sabah"ın futbolçusu Ramil Şeydayevlə sabiq klubu arasındakı barışıq sazişini təsdiqləyib.

"Report"un məlumatına görə, bu barədə qurumun rəsmi saytı xəbər yayıb.

Bildirilib ki, bununla da paytaxt təmsilçisinə yeni futbolçuların qeydiyyatdan keçirilməsi ilə bağlı qoyulan qadağa aradan qalxıb.

Qeyd edək ki, RFS-in Mübahisələrin Həlli Palatası "Dinamo"nu Azərbaycan millisinin üzvü ilə müqaviləyə xitam verildiyi vaxt qayda pozuntuları etdiyi üçün cəzalandırmışdı.

Xatırladaq ki, Ramil Şeydayev "Dinamo"ya 2019-cu ilin yayında "Krılya Sovetov"dan azad agent qismində keçib. 2020-ci ilin yanvarında Moskva klubu 24 yaşlı hücumçu ilə müqaviləni pozduğunu açıqlayıb. R.Şeydayev fevralın 17-də "Sabah"la mövsümün sonunadək sözləşmə imzalayıb.