Qurban Qurbanov: "Bu, mənə "İnter"lə oyundakı qolumuzu xatırlatdı"

Qurban Qurbanov: "Bu, mənə "İnter"lə oyundakı qolumuzu xatırlatdı" "Futbolçuları təbrik etmək istəyirəm. Bu gün qələbə qazanmaq istəyirdik. Düşünürəm ki, bu gün oyunçularım çox böyüdülər. Konfrans Liqasının qrup mərəhələsində bir oyunumuz qalıb"
Futbol
1237
26 Noyabr , 2021 00:30
Qurban Qurbanov: Bu, mənə İnterlə oyundakı qolumuzu xatırlatdı

"Futbolçuları təbrik etmək istəyirəm. Qələbə qazanmaq istəyirdik. Düşünürəm ki, bu gün oyunçularım çox böyüdülər".

"Report"un məlumatına görə, bu fikirləri "Qarabağ"ın baş məşqçisi Qurban Qurbanov evdə Kiprin "Omoniya" komandası ilə 2:2 hesablı heç-heçə etdikləri UEFA Konfrans Liqasının qrup mərhələsinin V tur oyunundan sonra mətbuat konfransında deyib.

Qrup mərəhələsində "Bazel" ilə İsveçrədəki oyunun qaldığını xatırladan 49 yaşlı mütəxəssis son qarşılaşmaya da eyni motivasiya ilə hazırlaşacaqlarını söyləyib: "Futbolçulara heç bir iradım yoxdur. Görüşdəki qollar da maraqlı alındı. Rəqibə qarşıdakı oyunlarda uğurlar arzulayıram".

Qurbanov qapıçı Şahruddin Məhəmmədəliyevin son qoldakı səhvindən danışıb: "Bu, futbolda nadir görünən epizoddur. Burada Şahruddinin səhvindən çox rəqib futbolçunun ustalığı ön plana çıxdı. Həqiqətən çox gözəl qol alındı. Matçdan sonra qapıçımıza irad bildirmədim. Ona möhkəm olmasını söylədim. Dedim ki, qarşıda yaxşı oyunlarımız var".

Təcrübəli baş məşqçi hakim idarəçiliyi haqqında da fikirlərini bölüşüb: "Düşünürəm ki, bu oyun hakimə böyük təcrübə oldu. İlk dəfə qrup mərhələsi matçını idarə edirdi. Həyəcanı da hiss olunurdu. Qolumuz və penaltimiz verilmədi. Rəqibə qırmızı vərəqə də vermişdi. Sanki bunu sığortalamaq istəyi var idi. Buraxdığımız qollar texniki səhvlərdən oldu. Qarşıdakı oyunlarda hakimlərə uğurlar arzulayıram. İnanıram ki, növbəti görüşlərdə daha diqqətli olacaqlar".

Mütəxəssis bütün oyunçularından razı qaldığını sözlərinə əlavə edib: "Təmiz qolumuz qeydə alınmadı. Bu, mənə Avropa Liqasında "İnter"lə oyundakı qolu xatırlatdı. Belə qollar sayılmırsa, nə deyə bilərəm"?

Qurbanov görüşdə bir dəyişiklik etməsinin səbəbini isə hər şeyin axarında getməsi ilə əlaqələndirib. Onun fikrincə, bu cür qarşılaşmalarda əvəzləməyə əl atmaq risklidir: "Bəzən anlaşılmazlıqlar ola bilər. Oyunu rəqibin cərimə meydanı ətrafında keçirdik. Bu səbəbdən, dəyişikliyi lazım bilmədik".

Son xəbərlər

Orphus sistemi