"Qəbələ" 4 futbolçusu ilə vidalaşıb

"Qəbələ" 4 futbolçusu ilə vidalaşıb.

Əyalət təmsilçisindən "Report"a verilən məlumata görə, yarımmüdafiəçilər Stefan Vukçeviç, Fernan Lopes, Kamal Mirzəyev və hücumçu Patrik Robsonla yollar ayrılıb.

2020-ci ilin yayından “Qəbələ”nin şərəfini qoruyan Vukçeviç iki mövsüm ərzində 58 oyunda 2 qol vurub. Ötən mövsümün əvvəlində bir illik fasilədən sonra komandaya qayıdan Lopesin hesabında 40 matçda 4 top var. Fasilələrlə “qırmızı-qara” forma geyinən Mirzəyev 15, qışda "qırmızı-qaralar"a qoşulan Robson 13 qarşılaşmada iştirak edib.