"Qarabağ" isveçrəli futbolçunu heyətinə qatıb

Bakı. 24 iyul. REPORT.AZ/ “Qarabağ" klubu daha bir futbolçunu heyətinə qatıb.

"Report" UEFA-nın saytına istinadən xəbər verir ki, Ağdam təmsilçisi sabiq futbolçusu İnnosent Emeqaranı sifariş verib. Azərbaycan çempionu Çempionlar Liqasının II təsnifat mərhələsində Albaniya təmsilçisi "Kukesi" ilə oyunlarda 29 yaşlı isveçrəli hücumçunun xidmətindən yararlana biləcək.  

Qeyd edək ki, Nigeriya əsilli Emeqara 2014/2015 mövsümündə də "Qarabağ"da çıxış edib. O, Ağdam təmsilçisinin heyətində 7 oyuna çıxıb və 4 qol vurub. Forvard son olaraq Kiprin "Ermis" komandasının formasını geyinib.