"Qarabağ"ın legionerini Sumqayıtda polis saxladı

"Qarabağ"ın legionerini Sumqayıtda polis saxladı Xorvatiyalı yarımmüdafiəçi şəxsi avtomobili ilə matçın keçirildiyi "Kapital Bank Arena"nın ərazisini tərk edərkən yol hərəkəti qaydalarını pozub
Futbol
596
22 Fevral , 2021 12:25
Qarabağın legionerini Sumqayıtda polis saxladı
Filip Ozobiç

"Qarabağ"ın futbolçusu Filip Ozobiç Azərbaycan Premyer Liqasında XVI turun "Sumqayıt"la səfər oyunundan sonra insidentlə üzləşib.

"Report"un məlumatına görə, xorvatiyalı yarımmüdafiəçi şəxsi avtomobili ilə matçın keçirildiyi "Kapital Bank Arena"nın ərazisini tərk edərkən yol hərəkəti qaydalarını pozub.

Nəticədə Yol Patrul Xidmətinin əməkdaşları 30 yaşlı oyunçunun maşınını saxlayıblar. Avtomobildən enən Ozobiç əl işarəsi ilə kürəyini göstərərək, "Qarabağ"ın futbolçusu olduğunu izah etməyə çalışıb.

Futbolçunun cərimələnib-cərimələnmədiyini öyrənmək mümkün olmayıb. O, "Report"a açıqlamasında məsələyə şərh vermək istəmədiyini bildirib.

Qeyd edək ki, "Sumqayıt" - "Qarabağ" oyunu qolsuz heç-heçə ilə başa çatıb.

Son xəbərlər

Orphus sistemi