"Qarabağ"ın Kiprdəki matçına azarkeş marağı aşağı səviyyədədir

"Qarabağ"ın Kiprdə AEL-ə qarşı keçirəcəyi UEFA Konfrans Liqasının III təsnifat mərhələsinin ilk oyununa maraq qeyri-qənaətbəxş səviyyədədir.

"Report" "Goal.philenews" nəşrinə istinadən xəbər verir ki, Limassol təmsilçisi bilet satışından razıl deyil.

7 400 nəfərlik azarkeş tutumuna malik "AEK Arena"nın tirbunalarında xeyli boşluğun olacağı gözlənilir. Klub oyun saatlarınadək vəziyyətin dəyişəcəyinə ümid edir.

Qeyd edək ki, bu gün oynanılacaq AEL - "Qarabağ" matçı Bakı vaxtı ilə saat 21:00-da başlayacaq. Cavab qarşılaşması bir həftə sonra gerçəkləşəcək.