"Qarabağ"ın cəzalandırdığı legioner pitsa qonaqlığı verdi - VİDEO

"Qarabağ"ın qış toplanışına qoşulmadığı üçün cəzalandırılaraq əvəzedici komandaya göndərilən Donald Gerye futbolçular üçün jest edib.

"Report"un məlumatına görə, haitili yarımmüdafiəçi "Keşlə-2" ilə yoxlama matçında 2:1 hesablı qələbə qazanan B komandasının üzvlərinə 10 ədəd pitsa alıb.

Gənc oyunçular 32 yaşlı legionerin sürprizindən məmnun qalıblar.

Qeyd edək ki, "Qarabağ" klubu Geryeni 20 000 ABŞ dolları məbləğində cərimələyib.