​“Qarabağ – “Dnepr” oyununun biletləri satışa çıxarılıb

Bakı. 3 noyabr. REPORT.AZ/ Futbol üzrə Avropa Liqasının qrup mərhələsində Azərbaycanı təmsil edən “Qarabağ” (Ağdam) klubu noyabrın 6-da Ukraynanın “Dnepr” komandası ilə keçiriləcək ev oyunu üçün biletləri satışa çıxarıb. “Report”un məlumatına görə, biletləri bu gündən etibarən oyunun keçiriləcəyi Tofiq Bəhramov adına Respublika stadionunun kassalarından əldə etmək mümkün olacaq.

Qarşılaşmaya ən ucuz bilet 1, ən baha bilet isə 10 manata satılır.

Qeyd edək ki, qrup mərhələsinin 4-cü turu çərçivəsində keçiriləcək “Qarabağ” – “Dnepr” oyunu Bakı vaxtı ilə saat 21:00-da başlayacaq.