"Qalatasaray" Muslera ilə yeni müqavilə imzalayacaq

Türkiyənin "Qalatasaray" klubu oyunçusu Fernando Muslera ilə bağlı qərarını verib.

"Report" "Milliyet"ə istinadən xəbər verir ki, İstanbul təmsilçisi uruqvaylı qapıçının cari mövsümün sonunda başa çatacaq müqaviləsinin müddətini uzadacaq.

35 yaşlı qolkiperlə 2+1 illik yeni sözləşmə imzalanacaq.

Qeyd edək ki, Fernando Muslera 2011-ci ildən "Qalatasaray"da çıxış edir. O, Superliqa təmsilçisinə İtaliyanın "Latsio" klubundan keçib.