"Qalatasaray" baş məşqçisi ilə müqavilənin müddətini uzadıb

Türkiyənin "Qalatasaray" klubu baş məşqçisi Fatih Terimlə yeni müqavilə imzalayıb.

"Report"un klubun rəsmi saytına istinadən verdiyi məlumata görə, 66 yaşlı mütəxəssislə ikiilik sözləşmə bağlanıb. Baş məşqçi 2022-ci ilədək İstanbul təmsilçisinə rəhbərlik edəcək. Müqavilənin daha üç il uzadılması da nəzərdə tutulub.  

Qeyd edək ki, F.Terim 2017-ci ilin dekabrında 4-cü dəfə “Qalatasaray”ın sükanı arxasına keçib. Bundan sonra klub iki dəfə Türkiyə Super Liqasının, bir dəfə isə ölkə kubokunun qalibi olub.