PSJ Mbappeyə yeni müqavilə təklif edib

Fransanın PSJ klubu futbolçusu Kilian Mbappeyə yeni müqavilə təklif edib.

"Report" "Le Parisien" nəşrinə istinadən xəbər verir ki, Paris klubu 24 yaşlı hücumçunun bu ilin yayında başa çatacaq sözləşməsinin müddətini 2024-cü ilədək uzatmaq istəyir.

Fransalı forvard komandada qalmağa razılıq versə, 100 milyon avro bonus qazanacaq. Yeni müqavilə şərtlərinə əsasən, Mbappe illik 50 milyon avro məvacib alacaq.

Qeyd edək ki, Kilian Mbappe 2017-ci ildən PSJ-də çıxış edir. Futbolçunun yayda İspaniya "Real Madrid"inə keçəcəyi gözlənilir.