PSJ Mbappeyə yeni müqavilə təklif edib

Fransanın PSJ klubu futbolçusu Kilian Mbappeyə 5 illik yeni müqavilə təklif edib.

"Report" xəbər verir ki, bu barədə tanınmış jurnalist Nikola Skira bildirib. Onun sözlərinə görə, Paris təmsilçisi 22 yaşlı hücumçuya hər mövsümü üçün 36 milyon avro ödəməyə hazırdır.

Daha əvvəl anası Fayza Lamari Mbappe ilə danışıqların yaxşı məcrada getdiyini açıqlayıb.

Bu arada İspaniyanın "Real Madrid" klubu fransalı forvarda müqavilənin ilkin variantını göndərib. Futbolçuya mövsümə 40 milyon avro olmaqla, 6 illik müqavilə təklif olunub.