Premyer Liqada bu gün daha iki oyun keçiriləcək

Futbol üzrə Misli Premyer Liqasının XXXIII turunda bu gün daha iki oyun keçiriləcək.

"Report"un məlumatına görə, günün ilk matçında "Şamaxı" autsayder "Səbail"lə üz-üzə gələcək.

Şamaxı şəhər stadionunda baş tutacaq qarşılaşmanın start fiti saat 17:00-da səslənəcək.

Digər görüşdə isə üçüncü yerə iddialı "Araz-Naxçıvan" "Sabah"ı sınağa çəkəcək. Oyun “Liv Bona Dea Arena"da, saat 19:30-da başlayacaq.

Naxçıvan təmsilçisi 54 xalla üçüncü, 40 xalı olan "Sabah" isə beşincidir. 35 xala malik "Şamaxı" yeddinci sırada yer alıb "Səbail" 21 xalla sonuncu - onuncudur.

Misli Premyer Liqası

IV dövrə, XXXIII tur

3 may

17:00. “Şamaxı” – “Səbail”

Hakimlər: Elçin Məsiyev, Elşad Abdullayev, Pərvin Talıbov, Kamranbəy Rəhimov.

VAR: İnqilab Məmmədov.

AVAR: Kamran Bayramov.

Hakim-inspektor: Orxan Məmmədov.

AFFA nümayəndəsi: Seymur Səlimli.

Şamaxı şəhər stadionu

19:30. “Araz-Naxçıvan” – “Sabah”

Hakimlər: Kamal Umudlu, Vüsal Məmmədov, Rəhman İmami, Nicat İsmayıllı.

VAR: Əliyar Ağayev.

AVAR: Zeynal Zeynalov.

Hakim-inspektor: İmanxan Sultani.

AFFA nümayəndəsi: Emin Cəfərov.

“Liv Bona Dea Arena"

Qeyd edək ki, turun açılış matçında "Zirə" evdə "Turan Tovuz"a qalib gəlib - 1:0.