Pirlo autsayder komandanın baş məşqçisi olur

İtaliya "Yuventus"unun sabiq futbolçusu və baş məşqçisi Andrea Pirlo özünə yeni komanda tapıb.

"Report" xəbər verir ki, 43 yaşlı italiyalı mütəxəssis yerli "Salernitano" klubunun sükanı arxasına keçməyə hazırlaşır. Rəsmi açıqlamanın bu həftə ərzində veriləcəyi gözlənilir.

Pirlonun yeni komandasındakı illik məvacibi 1,8 milyon avro olacaq.

Qeyd edək ki, A Seriyasında çıxış edən "Salernitana" hazırda 12 xalla turnir cədvəlində sonuncu - 20-ci yerdə qərarlaşıb.

Andrea Pirlo 2020/2021 mövsümündə "Yuventus"a rəhbərlik edib. O, futbolçu kimi isə 2011 - 2015-ci illərdə Turin klubunun şərəfini qoruyub.