PFL oyunun iştirak ərizəsində yer alan futbolçu sayında dəyişiklik edib

Bakı. 8 avqust. REPORT.AZ/ Peşəkar Futbol Liqası (PFL) 2017/2018-ci illər mövsümü ərəfəsində daxili yarışlar zamanı oyunun iştirak ərizəsində yer alan futbolçu sayı ilə bağlı dəyişiklik edib.

“Report”un qurumun rəsmi saytına istinadən verdiyi məlumata görə, PFL bayrağı altında keçirilən Azərbaycan Premyer Liqası, Azərbaycan Kuboku, əvəzedicilərin yarışı və I Divizion oyunları zamanı klublar əvvəlki kimi 18 deyil, 23 futbolçunun xidmətindən istifadə edə bilər.

Bu dəyişiklikdən sonra klublar dünya praktikasında olduğu kimi, oyunun protokolunda maksimum 23 futbolçunun adını qeyd etmək və ehtiyat oyunçular skamyasında 12 futbolçu saxlamaq imkanına malik olacaq.