Neymar Braziliyadakı prezident seçkilərində səs verə bilməyib

Braziliya millisinin və Fransanın PSJ komandasının futbolçusu Neymar ölkəsində keçirilən prezident seçkilərində səs verə bilməyib.

"Report"un "El Mundo" nəşrinə istinadən məlumatına görə, buna 30 yaşlı hücumçunun seçici statusu almaq üçün lazımi sənədləşmə işlərini tamamlaya bilməməsi səbəb olub.

Maraqlıdır ki, təcrübəli oyunçu bunu 2013-cü ildə Braziliyadan Avropaya köçərkən etməli idi.

Qeyd edək ki, Neymar seçkilərdə hazırkı prezident Jair Bolsonaru dəstəkləyir.