"Neftçi"nin yoxlama oyunundakı növbəti rəqibi müəyyənləşib

Bakı. 30 iyun. REPORT.AZ/ "Neftçi” klubunun Türkiyədə təlim-məşq toplanışı çərçivəsində iyulun 2-də keçirəcəyi yoxlama oyunundakı rəqibi müəyyənləşib. 

"Report"un klubun rəsmi saytına istinadən verdiyi məlumata görə, həmin gün "ağ-qaralar" Bosniya və Herseqovina "Çelik”i ilə qarşılaşacaq. Bu, "Çelik"in Azərbaycanın ikinci təmsilçisi ilə görüşü olacaq. Zenitsa şəhərinin komandası bu gün "Keşlə" ilə üz-üzə gələcək.   

Qeyd edək ki, əvvəlki yoxlama oyunlarında Makedoniyanın "Şkupi” və Rumıniyanın "Dunarea Kalarası” klublarını 2:0 hesabı ilə yenən "Neftçi”nin iyulun 5-dəki rəqibi "Politexnika” (Rumıniya) olacaq.