"Neftçi"nin legionerindən hakimin qərarına reaksiya

"Neftçi"nin futbolçusu Mamadu Mboc "Sabah"la oyunda komanda yoldaşı Keysuke Hondanın 66-cı dəqiqədə vurduğu qolun qeydə alınmamasına reaksiya verib.

"Report"un məlumatına görə, instaqram səhifəsində həmin epizodun videosunu paylaşan seneqallı müdafiəçi bu sözləri yazıb: "Referi buna görə ofsayd qərarı verdi. Sağ olsun".

Qeyd edək ki, Vüqar Həsənlinin başçılıq etdiyi hakimlər briqadası 2:2 hesabı ilə bitən matçda bir sıra mübahisəli qərarlar qəbul edib. Hakimlərin idarəçiliyi ilə əlaqədar AFFA Hakimlər Komitəsi müvafiq araşdırma aparacaq.