"Neftçi"nin legioneri əvəzedici komandada məşqlərə başlayıb

Bakı. 15 yanvar. REPORT.AZ/ "Neftçi" klubunun futbolçusu Slavko Braliç əvəzedici heyətə göndərilib. 

"Report"un klubun rəsmi saytına istinadən məlumatına görə, bu, xorvatiyalı müdafiəçinin rəhbərliyə müraciətindən sonra baş verib. “Neftçi-2”nin heyətində təlim-məşq toplanışına qoşulan Braliç yeni klub tapanadək formada qalmaq üçün belə bir qərar qəbul edib. 

Qeyd edək ki, hazırda özünə yeni komanda axtaran Slavko Braliç bir neçə klubla danışıqlarını davam etdirir. Onun gələcək karyerasına yaxın müddətdə aydınlıq gələcək.