Minifutbol üzrə Çempionlar Liqası: "Birbaşa Bakı" və "Zirə" qrupdan çıxmağa çalışacaq

Futbol

07 sentyabr, 2023
05:43

Report.az-ı Google seçilmiş mənbələrinə əlavə edin

Yeniliklərdən dərhal xəbərdar olun!

Bu gün “Birbaşa Bakı” komandası Rumıniyanın Oradea şəhərində təşkil olunan minifutbol üzrə UEFA Çempionlar Liqasında növbəti oyunlarını keçirəcək.

"Report" xəbər verir ki, Azərbaycan təmsilçisi C qrupundakı ikinci matçında Moldovanın "Volta" kollektivi ilə üz-üzə gələcək. Qarşılaşma Bakı vaxtı ilə saat 14:00-da start götürəcək.

Üçüncü görüşdəki rəqib Albaniyanın "Prestij" klubu olacaq. Bu oyun isə saat 20:00-da başlayacaq. “Birbaşa Bakı” ötən gün Yunanıstan çempionu “Maqufana”ya qalib gəlib - 3:1.

"Zirə" isə F qrupunda iki oyun keçirəcək. Komanda Bakı vaxtı ilə saat 12:00-da Ukrayna "Andezit"i, saat 20:00-da Bolqarıstan "Terra Trak"ı ilə münasibətlərə aydınlıq gətirəcək. Bu qrupda üç klub yer alıb.