"Milan" Meksika millisinin hücumçusunu transfer edib

Niderlandın "Feyenoord" kollektivinin və Meksika millisinin hücumçusu Santyaqo Ximenes "Milan"a transfer olunub.

"Report" xəbər verir ki, bu barədə "rossonerilər"in mətbuat xidməti məlumat yayıb.

23 yaşlı forvard yeni komandası ilə 2029-cu ilə qədər müqavilə bağlayıb. O, "Milan"da 7 nömrəli formada çıxış edəcək.

Qeyd edək ki, S.Ximenes cari mövsüm "Feyenoord"un heyətində 19 oyunda 16 qol vurub. O, Meksika yığmasında isə 32 qarşılaşmada 4 dəfə fərqlənib.