"Milan" Belçika millisinin hücumçusunu transfer edib

İtaliya "Milan"ı heyətini yeni futbolçu ilə gücləndirib.

"Report" klubun rəsmi saytına istinadən xəbər verir ki, "rossonerilər" Belçika millisinin hücumçusu Divok Origini heyətinə qatıb.

27 yaşlı forvardla 4 illik müqavilə imzalanıb.

Qeyd edək ki, Divok Originin son klubu İngiltərə "Liverpul"u olub. O, "Milan"a azad agent kimi keçib.