Messi MLS-də ən çox maaş alan futbolçudur, komanda yoldaşı ikinci olub

ABŞ-nin MLS çempionatında ən çox maaş alan futbolçular bəlli olub.

"Report"un məlumatına görə, siyahını MLS Oyunçular Assosiasiyası tərtib edib.

"İnter Mayami"də çıxış edən Argentina millisinin üzvü Lionel Messi birinci pillədə qərarlaşıb. Təcrübəli hücumçunun məvacibi 12 milyon ABŞ dollarıdır.

Onun komanda yoldaşı Serxio Buskets (8 milyon 499 min 996 dollar) ikinci, “Toronto”nun oyunçusu Lorentso İnsinye (7 milyon 500 min dollar) üçüncü sıradadır.

“Çikaqo Fayr”dan Cerdan Şakiri (7 milyon 350 min dollar), “Nyu-York Red Bulls”dan Emil Forsberq (5 milyon 405 min avro) ilk "beşliy"i tamamlayırlar.