Mbappe: “Messi PSJ-də “Barselona”dakı oyunçu deyildi”

Fransa millisinin və PSJ klubunun hücumçusu Kilian Mbappe argentinalı hücumçu Lionel Messinin Fransa klubuna keçərək oyununu dəyişdiyini söyləyib.

“Report”un məlumatına görə, Mbappe bu barədə “90min”ə bildirib.

“Mən Messi ilə oynadım, o, məsələn, öz oyununu dəyişdi. PSJ-də “Barselona”dakı kimi deyildi. Bu, ona Dünya Kubokunu, kollektiv və fərdi titulları qazanmağa imkan verdi”, - Mbappe deyib.

Messi 2003-2021-ci illərdə "Barselona"da çıxış edib. Hər iki tərəfin istəyinə baxmayaraq, İspaniya çempionatının rəhbərliyi tərəfindən qoyulan maliyyə məhdudiyyətləri səbəbindən yeni müqavilə bağlanmayıb. Buna görə də argentinalı azad agent olub. "Barselona"nın heyətində 10 dəfə İspaniya çempionatının, 7 dəfə İspaniya Kubokunun və 4 dəfə Çempionlar Liqasının qalibi olub.

Hücumçu iki il PSJ-də oynadıqdan sonra, 2023-cü ilin yayında “İnter Mayami”yə keçib. Argentinalı avqustun 20-də Amerikada ilk titulunu - Liqa Kubokunu qazanıb.

Messi 2022-ci ildə Argentina millisinin heyətində dünya çempionu olub.