"Mançester Yunayted" "Roma"nı darmadağın etdi, "Arsenal" uduzdu

"Mançester Yunayted" "Roma"nı darmadağın etdi, "Arsenal" uduzdu UEFA Avropa Liqasında yarımfinal mərhələsinə start verilib.
Futbol
359
30 Aprel , 2021 00:56
Mançester Yunayted Romanı darmadağın etdi, Arsenal uduzdu

UEFA Avropa Liqasında yarımfinal mərhələsinə start verilib.

"Report"un məlumatına görə, İngiltərə klublarından "Mançester Yunayted" evdə İtaliya "Roma"sı ilə, "Arsenal" isə İspaniyada "Vilyarreal"la qarşılaşıb.

Mançesterdəki görüş meydan sahiblərinin 6:2 hesablı qələbəsi ilə başa çatıb. Matçda ilk qolu 9-cu dəqiqədə "qırmızı şeytanlar"ın yarımmüdafiəçisi Brunu Fernandeş vurub. 6 dəqiqə sonra qonaqlar Lorentso Pelleqrininin penalti qolu ilə tarazlığı bərpa ediblər. 34-cü dəqiqədə Edin Ceko "canavarlar"ı hesabda önə çıxarıb. İlk hissə meydan sahiblərinin məğlubiyyəti ilə başa çatıb - 1:2.

"Mançester Yunayted" fasilədən sonra oyunda ciddi dönüş etməyi bacarıb. 48-ci və 64-cü dəqiqələrdə meydan sahiblərinin hücumçusu Edinson Kavani hesabı komandasının xeyrinə dəyişib. 71-ci dəqiqədə Fernandeş dublunu rəsmilədirib. Bundan cəmi 4 dəqiqə sonra Pol Poqba 5-ci topu rəqibin qapısından keçirib. Oyunda son nöqtəni isə 86-cı dəqiqədə fərqlənən Meyson Qrinvud qoyub.

"Arsenal" isə İspaniyada "Vilyarreal"a 1:2 hesabı ilə uduzub. Meydan sahibləri 5-ci dəqiqədə Manu Trigerosun, 29-cu dəqiqədə isə Raul Albiolun qolları ilə ilk hissəni üstün tamamlayıblar. İkinci yarı qonaqlar üçün yaxşı başlamayıb. 57-ci dəqiqədə Dani Sebalyos qırmızı vərəqə görərək meydandan qovulub. Buna baxmayaraq, "topçular" fərqi azaltmağa nail olublar. 73-cü dəqiqədə Nikolya Pepenin vurduğu qol matçda yekun hesabı müəyyənləşdirib. 8 dəqiqə sonra isə "Vilyarreal" azlıqda qalıb. Etyen Kapu ikinci sarı vərəqə ilə meydanı tərk edib.

Avropa Liqası, yarımfinal

İlk oyunlar

23:00. "Mançester Yunayted" (İngiltərə) - "Roma" (İtaliya) - 6:2

Qollar: Brunu Fernandeş, 9; 71 (pen.), Edinson Kavani, 48; 64, Pol Poqba, 75, Meyson Qrinvud, 86 - Lorentso Pelleqrini, 15 (pen.), Edin Ceko, 34

23:00. "Vilyarreal" (İspaniya) - "Arsenal" (İngiltərə) - 2:1

Qollar: Manu Trigeros, 5. Raul Albiol, 29 - Nikolya Pepe, 73 (pen.)

Qırmızı vərəqələr: Etyen Kapu, 80 - Dani Sebalyos, 57

Qeyd edək ki, yarımfinalın cavab oyunları mayın 6-da olacaq.

Son xəbərlər

Orphus sistemi