"Mançester Siti"nin sabiq futbolçusu "Bavariya"nın baş məşqçisi təyin olunub

Belçika millisinin və "Mançester Siti"nin sabiq futbolçusu Vinsent Kompani "Bavariya" kollektivinin baş məşqçisi təyin olunub.

"Report" Almaniya klubunun mətbuat xidmətinə istinadən xəbər verir ki, 38 yaşlı mütəxəssis 2027-ci ilə qədər münxenlilərə rəhbərlik edəcək.

Qeyd edək ki, V.Kompani futbolçu kimi "Mançester Siti"dən başqa, Almaniyanın "Hamburq" və ölkəsinin "Anderlext" klublarında çıxış edib.