AFFA UEFA-nı Mahir Emrelinin neqativ testi barədə məlumatlandırıb

AFFA Azərbaycan millisinin futbolçusu Mahir Emreli ilə bağlı UEFA-nı məlumatlandırıb.

"Report"un milli assosiasiyanın rəsmi saytına istinadən xəbərinə görə, hücumçunun son 24 saat ərzində COVID-19 testlərinin fərqli nəticələri ilə bağlı Avropa futbol qurumuna məlumat verilib.

Azərbaycan millisinin və Polşa "Legiya"sının futbolçusu Mahir Emrelidən koronavirusla bağlı götürülmüş növbəti testin nəticəsi bəlli olub.

Bu barədə "Report"a 24 yaşlı hücumçunun anası Elnurə Emreli məlumat verib. Onun sözlərinə görə, forvardın 3-cü analizinin cavabı da mənfi çıxıb.

M.Emrelinin 2-ci testi də neqativ olub.

Qeyd edək ki, AFFA Mahir Emrelinin Serbiyaya qarşı DÇ-2022-nin seçmə oyunundan əvvəl ilk testinin müsbət çıxdığını və UEFA-nın tətbiq etdiyi tibbi protokola uyğun olaraq həmin qarşılaşmanı buraxacağını açıqlayıb. Varşava təmsilçisinin Mətbuat xidmətinin rəhbəri İzabela Kruq ikinci testin mənfi olduğunu diqqətə çatdırıb.

Xatırladaq ki, bu gün Belqraddakı "Rayko Mitiç" stadionunda keçiriləcək Azərbaycan - Serbiya oyunu Bakı vaxtı ilə saat 22:45-də başlayacaq.