Mahir Emrelinin "Qarabağ"da 100-cü oyunu

Azərbaycan milli komandasının futbolçusu Mahir Emreli “Qarabağ”ın heyətində yubiley oyununu keçirib.

"Report"un məlumatına görə, hücumçu Premyer Liqada 100-cü dəfə Ağdam klubunun formasında meydana çıxıb. Bu, XVI turun “Neftçi” ilə matçına (0:0) təsadüf edib.

“Qarabağ”ın heyətində 2015-ci ildə debüt edən oyunçu 5-ci mövsümdə “100”ə çatıb: 2015/16 – 16, 2016/17 – 21, 2017/18 – 24, 2018/19 – 26, 2019/20 – 13.

Qeyd edək ki, Mahir Emrelinin Premyer Liqada “Qarabağ”ın heyətində keçirdiyi ilk matç 2015-ci il avqustun 23-də AZAL-a qarşı səfər oyunu (2:0) olub.