Lionel Messi "Barselona" ilə vida mərasimində ağlayıb

Argentinalı futbolçu Lionel Messi İspaniya "Barselona"sında ayrılması ilə bağlı təşkil olunan mətbuat konfransında ağlayıb.

"Report"un məlumatına görə, 34 yaşlı hücumçu çıxış edərkən göz yaşlarını saxlaya bilməyib. Ona özünə gəlmək və çıxışını davam etdirmək üçün təqribən 30 saniyə vaxt lazım olub.

Qeyd edək ki, mətbuat konfransı "Kamp Nou" stadionunda keçirilib.